ენმ-ს წევრმა ნონა მამულაშვილმა პარლამენტში მისულ პრემიერს ირაკლი ღარიბაშვილს სხდომათა დარბაზში საბჭოთა ჰიმნი ჩაურთო.

მამულაშვილმა ჰიმნი იმ დროს ჩართო, როდესაც ოცნების დეპუტატი მიხეილ სარჯველაძე სიტყვით გამოდიოდა. ამის გამო სარჯველაძემ სიტყვით გამოსვლა დროებით შეაჩერა.

პარლამენტის თავმჯდომარემ კახა კუჭავამ ოპონენტის ქმედებას სირცხვილი უწოდა:

„სირცხვილია, საქართველოს პარლამენტის პლენარულ სხდომათა დარბაზში, სადაც დამოუკიდებლობის აქტს მოეწერა ხელი, თქვენ რუსეთის ჰიმნს აჟღერებთ. ეს კარგად აჩვენებს ყველაფერს და დამნახავი ამას დაინახავს",- მიმართა კუჭავამ მამულაშვილს.