თბილისის საქალაქო მოსამართლის ლავრენტი მაღლაკელიძის თქმით, სიტყვა "კლანის" გამოყენება მათი მისამართით შეურაცხმყოფელია. მისი განმარტებით, როგორც საერთაშორისო, ასევე შიდა ორგანიზაციების მხრიდან პროცესის პოლიტიზირება ხდება:

"შეურაცხმყოფელია, როდესაც სიტყვა კლანი გამოიყენება მოსამართლეთა მიმართ, ეს არის ყურით მოთრეული ტერმინი და შეურაცხმყოფელია ეს როგორც პირადად ჩემთვის ისე ჩემი კოლეგებისთვის. როგორც საერთაშორისო ორგანიზაციების ასევე ქვეყნის შიდა ორგანიზაციების მხრიდან ხდება ამ პროცესის პოლიტიზირება და ამ ჩართული არიან ცალკეული საერთაშორისო დონორი ორგანიზაციები თუ დიპლომატიური წარმომადგენლები", - განაცხადა მაღლაკელიძემ.