"ნაციონალური მოძრაობის" თავმჯდომარემ ნიკა მელიამ მთავარი არხის ეთერში ოცნების ხელისუფლებაში ყოფნა ოპოზიციის შეცდომებს დაუკავშირა. მისი განმარებით, იმ ფაქტს, რომ ოცნებას მიტაცებული აქვს ძალაუფლება, საერთაშორიო პარტნიორებიც აღიარებენ:

"ის რომ დღემდე "ქართული ოცნება" არის ხელისუფლებაში და მართვის სადავეებთან და ის რომ დღეს "ქართულ ოცნებას" მიტაცებული აქვს სახელმწიფო და ეს ასე არის და ამას უბრალოდ ქართველი პოლიტიკოსები კი არ საუბრობენ, საუბრობენ ჩვენი სტრატეგიული პარტნიორებიც, ნაწილობრივ ეს ოპოზიციის ბრალიც არის. იმიტომ რომ ბევრი შეცდომა დავუშვით უკანასკნელი წლების განმავლობაში და რომ არა ეს დაშვებული შეცდომები, დღეს "ქართული ოცნება" ნამდვილად არ იქნებოდა" - განაცხადა მელიამ.