პრემიერმინისტრი, ირაკლი ღარიბაშვილი აცხადებს, რომ ""ოპონენტები დადიოდნენ აქტიურად და ითხოვდნენ, რომ არ მიეცათ საქართველოსთვის ვიზალიბერალიზაცია და უვიზო რეჟიმი".

ღარიბაშვილი გვარებსაც ასახელებს:

"ოპონენტები დადიოდნენ აქტიურად და ითხოვდნენ, რომ არ მიეცათ საქართველოსთვის ვიზალიბერალიზაცია და უვიზო რეჟიმი. ეს არის სიმართლე პირდაპირ. ეს არის ჩვეულებრივი პოლიტიკური მავნებლობა. ეს არის ანტისახელმწიფოებრივი ქმედება, რომელიც შეიძლება ჩაიდინოს ადამიანმა, მითუმეტეს პარლამენტარმა და მითუმეტეს პოლიტიკოსმა. გვარები, დავით ბაქრაძე, თქვენი გუნდის წევრი იყო, კანდელაკი [გიორგი] იყო, თქვენ გამოდიხართ ახლა და ამბობთ, რომ ქვეყანა არ არის მზად რომ გახდეს ნატო-ს წევრი. ამაზე მეტი პრორუსული განცხადება მითხარით მაშინ რომელია...", - აცხადებს ღარიბაშვილი.

ოპოზიციის მხრიდან ამ განცხადებას ხმაური და რეპლიკები მოჰყვა და აცხადებენ, რომ ეს "ტყუილია".