ენმ-ს წევრმა ხატია დეკანოიძემ კვლევის შედეგები შეაფასა და განაცხადა, რომ მმართველი გუნდი 40%-იან ზღვარს ვერ უახლოვდება. მისი შეფასებით, თუ ოპოზიცია ჭკვიანურად მოიქცევა და გამარჯვების კამპანიას აწარმოებს, ოცნებას თვითმმართველობის არჩევნებში გამარჯვების შანსი არ ექნება:

„კვლევები გვაჩვენებს ერთ ძალიან მნიშვნელოვან საკითხს - „ქართული ოცნება" ვერც კი უახლოვდება 40%-იან ზღვარს, არათუ 43%-ს. პრაქტიკულად მას აქვს დაკლებული 11%, 43%-ის ზღვარზე. ამიტომ ეს ნიშნავს იმას, რომ „ქართულ ოცნებას" არავითარი შანსი არ აქვს, რომ 40%-იანი ზღვარი გადალახოს. თუ ოპოზიცია მოიქცევა ძალიან ჭკვიანურად, აწარმოებს გამარჯვების კამპანიას, „ქართულ ოცნებას" ადგილობრივი თვითმმართველობის არჩევნებზე არავითარი შანსი არ ექნება და იძულებული გახდება დანიშნოს ვადამდელი არჩევნები",- განაცხადა დეკანოიძემ.