დოროყაშვილი-ბასილაშვილის საქმის სკანდალრი გაგრძელება - სამართალდამცველებს, ამჯერად, ბასილაშვილის მხარემ მიმართა.

გუშინ ორ საათზე მეტ ხანს იკითხებოდა ჩოგბურთელ ნიკოლოზ ბასილაშვილის ყოფილი მეუღლის, ნელი დოროყაშვილის ძმა.

საქმე ეხება თორნიკე დოროყაშვილის მიერ სოციალურ ქსელში ატვირთულ ვიდეოს, სადაც ისმის უცენზურო სიტყვები.

ნიკოლოზ ბასილაშვილის ძმას აქვს ეჭვი, რომ ვიდეოში სავარაუდოდ, ნიკოლოზ ბასილაშვილისა და ნეკა დოროყაშვილის მცირეწლოვანი შვილი ჩანს.

“დიდი ხანია ბავშვთან ურთიერთობა არ გვაქვს და რომ ვნახე, ლუკასის ოთახში პიროვნება შედიოდა და მიმართავდა უწმაწური სიტყვებით და ეს “ტიკტოკი” ეკუთვნოდა ნელი დოროყაშვილის ძმას, გადავწყვიტე, რომ შეიძლებოდა ეს ყოფილიყო ლუკასი და მივმართე პოლიციას,”- აცხადებს ნიკოლოზ ბასილაშვილის ძმა “რუსთავი 2”-თან .

ნელი დოროყაშვილის ძმა ამტკიცებს, რომ ვიდეოში ბავშვი არ ყოფილა.

“გამოკითხვა გრძელდებოდა დაახლოებით 2-2.5 საათი და საუბარი იყო იმაზე, იყო თუ არა ბავშვი. ბავშვი არ იყო, რადგან ბავშვს აქვს წაბლისფერი თმა. იყო პარიკი, პარიკი მქონდა გადახვეული ბალიშზე. ვფიქრობ, რომ ჩემი უფლებები დაირღვა, ეს არის ჩვეულებრივი ბულინგი, ფსიქოლოგიურად იძალადა მან ჩემზე. მე აუცილებლად ვაპირებ ეს იურიდიული გზებით მივიტანო სასამართლომდე და სასამართლო დადგება სიმართლის მხარეს,”-განაცხადა თორნიკე დოროყაშვილმა.