თბილისის საქალაქო სასამართლოში დღეს ნიკა მელიას მომდევნო პროცესი გაიმართა, რომელზც პროკურატურამ ბრალდების მხარის მოწმეები დაკითხა.

დღევანდელი მოწმეები ისევ პოლიციელები იყვნენ, თუმცა მათ პროცესზე განაცხადეს, რომ ენმ-ს ლიდერისგან სხვა არაფერი გაუგონიათ გარდა იმისა, რაც მიკროფონში გაჟღერდა:

"ფაქტობრივად, საქმესთან დაკავშირებით მნიშვნელოვანი არაფერი გაგვიგია. ორივე მათგანი აფიქსირებს და მხოლოდ და მხოლოდ გაიგეს ნიკა მელიას ის განცხადება, რომელიც მიკროფონში იყო ნათქვამი და გავიდა ყველა ტელეარხით.

რაც შეეხება დეტალებს ან პირად საუბრებს ან მის მოქმედებებს არცერთი მათგანი აფიქსირებდა, რომ არც ვიზუალური აღქმა არც ნიკა მელიას სხვა საუბრები არ გაუგიათ და არც მისი აქტიური მოქმედებებისთვის მიუდევნებიათ თვალი.

მსგავსი ჩვენებებია 90% ამიტომ მიგვაჩნია, რომ ეს ჩვენება და მსგავსი მტკიცებულებები არაფრის მთქმელი არ არის", - განაცხადა მელიას უფლებადამცველმა.