ოცნების ლიდერის ირაკლი კობახიძის განცხადებით, თვითმმართველობის არჩევნებზე საკრებულოს მაჟორიტარი დეპუტატობის კანდიდატებისთვის 40%-იანი ბარიერი იქნება. მისი განმარტებით, საარჩევნო ცვლილებასთან დაკავშირებით დანარჩენი საკითხები პრინციპულ შეთანხმებას დაეყრდნობა:

"დღეს გვაქვს კიდევ ერთი მნიშვნელოვანი სიახლე, რაზეც ჩვენ დავეთანხმეთ ოპოზიციას. 40%-იანი საარჩევნო ბარიერი იქნება დადგენილი საკრებულოს მაჟორიტარი დეპუტატობის კანდიდატებისთვის. ეს არის დამატებითი სიახლე, რომელიც აისახება კანონპროექტში მეორე მოსმენით განხილივის დროს. დანარჩენ საკითხებთან დაკავშირებით პრინციპული შეთანხმება არსებობს და მნიშვნელოვანია, რომ ფართო მხარდაჭერით დამტკიცდეს მეორე მოსმენით უკვე ეს კანონპროექტი", - განაცხადა კობახიძემ.