პოპვარსკვლავმა ბრიტნი სპირსმა სასამართლოს მოუწოდა შეწყვიტოს მისი ბიზნესისა და პირადი საქმეების "შეურაცხმყოფელი" "მე მინდა ჩემი ცხოვრება დამიბრუნდეს”.

მომღერლის ცხოვრება მეურვეები განკარგავენ 2008 წლიდან, როდესაც იგი მენტალური კრიზისის წინაშე აღმოჩნდა.

სასამართლოს გადაწყვეტილებით მიღებულმა შეთანხმებამ მის მამას ჯეიმი სპირსს მისცა სრული კონტროლი მის ქონებაზე და მისი ცხოვრების სხვა ასპექტებზე.

მომღერალი რამდენჯერმა შეეცადა მამის მეურვეობის დასრულეაბას, თუმცა უშედეგოდ.

გახანგრძლივებულმა იურიდიულმა დაპირისპირებამ კვლავ მიიპყრო ყურადღება 2021 წლის დასაწყისში დოკუმენტური ფილმის გამოსვლის შემდეგ, რომელიც მომღერლის მეურვეობის კონფლიქტს ეხება.

მისმა გულშემატკივრებმა კამპანია #freebritney წამოიწყეს და მომღერლისთვის ავტონომიურობის დაბრუნებას ითხოვენ.

მან სასამართლოზე განაცხადა, რომ სურს საშვილოსნოში შეყვანილი მოწყობილობა ამოუღონ, რომ კიდევ გააჩინოს შვილი, მაგრამ ამის უფლებას მეურვეები არ აძლევენ.

"ვიტყუებოდი, როცა მთელ მსოფლიოს ვეუბნებოდი, რომ კარგად ვიყავი, ბედნიერი ვიყავი... სინამდვილეში კი შოკში ვიყავი, ტრავმირებული. მე არ ვარ ბედნიერი, ვერც კი ვიძინებ".

სპირსის სიტყვებით, მას შეზღუდული ინფორმაცია მიეწოდება და არ იცოდა, რომ უფლება ჰქონდა მოეთხოვა მეურვეობის დასრულება. მან თქვა, რომ მამამისი, ჯეიმი სპირსი, მას იმის გამო სჯის, რომ მის მოთხოვნებს არ ემორჩილება და თავს მის "მონად" გრძნობს.

”ეს მეურვეობა უფრო მეტ ზიანს მიყენებს, ვიდრე სარგებელს”, - თქვა მან და ჩვენებისას, "მე ვიმსახურებ ცხოვრებას”

მოსამართლემ განაცხადა, რომ მის ადვოკატს შეუძლია ოფიციალური ფორმა შეავსოს მეურვეობის დასრულების მოთხოვნით.

სპირსის ჩვენების შემდეგ, მამამისის ადვოკატმა თქვა, რომ იგი " წუხს, რომ ხედავს ქალიშვილს ტანჯვას.”