აშშ-ის სენატორები ჯინ შაჰინი და რონ ჯონსონი საქართველოს შესახებ წარდგენილი რეზოლუციისა და 19 აპრილის შეთანხმების შესახებ ერთობლივ განცხადებას ავრცელებენ, სადაც ნათქვამია, რომ შეერებული შტატები დაინტერესებულია, ყველა მხარემ შეასრულოს მიშელის დოკუმენტის პირობები. სენატორები მოუწოდებენ ენმ-სა და დანარჩენ ოპოზიციას, ხელი მოაწერონ შეთანხმების დოკუმენტს, რათა ერთობლივი მუშაობით განხორციელდეს ძირეული რეფორმები:

"სენატის საგარეო ურთიერთობათა კომიტეტმა გაგზავნა ძლიერი, ორპარტიული გზავნილი, რომ ჩვენ ვდგავართ ჩვენი პარტნიორის გვერდით და მხარს ვუჭერთ მის მნიშვნელოვან ძალისხმევას, შექმნას უფრო მეტად პასუხისმგებლიანი, ანგარიშვალდებული მთავრობა და განახორციელოს მისი ტრანსატლანტიკური მიზნები.

კომიტეტის მიერ მიღებული რეზოლუცია ადასტურებს, შეერთებული შტატების ინტერესს, რომ ყველა პარტია დაიცავს 19 აპრილის შეთანხმებასა და მის სულისკვეთებას, რომ "ერთიანმა ნაციონალურმა მოძრაობამ" და სხვა ყველა დანარჩენმა ოპოზიციურმა პარტიებმა ხელი მოაწერონ შეთანხმებას და ყველა პარტიამ კეთილსინდისიერად იმუშაოს, რათა განავითარონ და სრულად განახორციელონ სასამართლო და საარჩევნო რეფორმები, რაც საჭიროა მათი დემოკრატიის განმტკიცებისთვის.

ქართული დემოკრატიის სტაბილურობას ფართო გავლენა აქვს აღმოსავლეთ ევროპაში რეგიონულ უსაფრთხოებაზე, ეს მნიშვნელოვანია ამერიკის შეერთებული შტატებისთვის, განსაკუთრებით კი მაშინ, როცა რუსეთი საკუთარი მავნე გავლენების გავრცელებაზე მუშაობს", - ნათქვამია განცხადებაში.