გელათის დაკეტვის მიზეზად ხელისუფლებამ მათ მიერ მოწვეული საერთაშორისო ექსპერტები დაასახელა, რომლებმაც უნიკალური ისტორიული ძეგლის სარემონტო სამუშაოები უნდა შეისწავლონ.

ხელისუფლებას გასაიდუმლოებული აქვს ვინ არიან ადამიანები, რომლებმაც ტაძრის მდგომარეობა უნდა შეისწავლონ.

ტაძრის წინამძღვარის თქმით, სრულ იზოლაციაში ყოფნა მოწვეული ექსპერტების მოთხოვნა იყო, თუმცა სასულიერო პირების მოთხოვნით, ტაძარში წირვა ლოცვა და საკვირაო ქადაგებები მაინც ჩატარდება, ოღონდ სავარაუდოდ მრევლის გარეშე.

ვიზიტორებმა დღეს არათუ სამონასტრო კომპლექსის ისტორიული ფრესკების დათვალიერება, ეზოში შესვლაც ვერ შეძლეს.