ევროკავშირის ელჩი საქართველოში კარლ ჰარცელი მოსამართლეების დანიშნვის პროცესს ეხმაურება და ხელისუფლებას მოუწოდებს, სასამართლო რეფორმამდე არ აჩქარდეს. ჰარცელის თქმით, გადაწყვეტილება მაკროფინანსური დახმარების თვალსაზრისით იქნება განხილული:

"სასამართლო რეფორმა ძალიან მნიშვნელოვანია, კანონის უზენაესობისადმი ნდობის გაზრდა და ნდობის დანგრევა ძალიან მნიშვნელოვანია და ჩვენ ამას ბევრი წლის განმავლობაში მხარს ვუჭერთ. ჩვენ ჩვენს კოლეგებთან ერთად, შეერთებული შტატებიდან და ევროპის საბჭოდან, გამოვთქვით ჩვენი პოზიცია ამასთან დაკავშირებით, რომ სჯობს ცოტა შენელება და არ იყოს ნაჩქარევად მიღებული გადაწყვეტილებები ამ დანიშვნებთან დაკავშირებით.

ასევე ამაში გათვალისწინებული უნდა იყოს ვენეციის კომისიის გადაწყვეტილება, იმისთვის, რომ ყველა კანდიდატის მიმართ ერთნაირი მიდგომა იყოს.

იმედი მაქვს, ასე იქნება განხილული პარლამენტში და ამ პერსპექტივას გაიზიარებს პარლამენტი. ეს გადაწყვეტილება ასევე განხილული იქნება, მაკროფინანსური დახმარების თვალსაზრისით და ევროკავშირის საქართველოს ასოცირების შეთანხმებასთან დაკავშირებით.

ამ საკითხის შესწავლა უნდა გაგრძელდეს და იმედი მაქვს, რომ ამასთან დაკავშირებით არ იქნება აჩქარება, იმიტომ რომ აჩქარება იქნება ცუდი სტარტი ამ ხელისუფლების განხორციელების პროცესში" - აცხადებს ჰარცელი.