გერმანიაში სეზონურ სამუშაოზე დასაქმებული საქართველოს მოქალაქეები ხელისუფლებას უჩივიან და აცხადებენ, რომ დასაქმების სააგენტომ ისინი მოატყუა, სამუშაო პირობები გაუსაძლისი გახდა და ანაზღაურებაც არ აქვთ. დასაქმებულების თქმით, ისინი ტრეფიკინგის მსხვერპლნი გახდნენ და იძულებულები არიან, სამუშაო ადგილები დატოვონ:

"პირველ დამსაქმებელთან 9 ევროს ნაცვლად გვიხდიდნენ 3 ევროს ყუთზე, ხოლო მეორე დამსაქმებელთან 2,5 ევროს. კონტრაქტის პირობების არანაირი გათვალისწინება. ხელისუფლებისგან დაპირებული თანხა იყო 75 ევრო და რეალურად მაქსიმუმ 35 ევროს ვიღებდით", - განაცხადა დასაქმებულმა ჯაბა ჩაჩანიძემ.