სახალხო დამცველი ნინო ლომჯარია ხაზარაძე-ჯაფარიძე-წერეთლის საქმის სასამართლოში გაგრძელებას ეხმაურება და აცხადებს, რომ ფულის გათეთრების დანაშაული არ იკვეთება. მისი თქმით, სახალხო დამცველის აპარატმა მიმართა სასამართლოს, იმსჯელოს წარდგენილი ბრალიდ ადეკვატურობაზე:

"სასამართლოში წარდგენილი გვაქვს სასამართლოს მეგობრის მოსაზრება, რომ ჩვენ საერთოდ ვერ ვხედავთ, ის ქმედება წარმოადგენდეს ფულის გათეთრების დანაშაულს. ამ მიმართულებით შესწავლილი გვაქვს საერთაშორისო პრაქტიკა, საქართველოს კანონმდებლობაც გაანალიზებული გვაქვს, მიგვაჩნია, რომ წარდგენილი ქმედება და ის მტკიცებულებები არ ადასტურებს, რომ ჩადენილი არის ფულის გათეთრების დანაშაული. შესაბამისად ჩვენ მივმართეთ სასამართლოს, იმსჯელოს, რამდენად ადეკვატურია წარდგენილი ბრალი" - აცხადებს ლომჯარია