ჩვენს პლანეტაზე, ოკეანის სიღრმეებში არსებობენ სრულიად გამოუკვლეველი და საშიში ორგანიზმები. მათ შორის არის Ophiojura, უნიკალური ცოცხალი ორგანიზმი, რომელსაც კბილებიანი საცეცები აქვს.

მისი ერთადერთი ნიმუში 2011 წელს წყნარი ოკეანის სამხრეთ-დასავლეთით კუნძულ ახალი კალედონიის მახლობლად 200 კილომეტრში აღმოაჩინეს. ფრანგი მეცნიერები 500 მ სიღრმეზე ზღვის ფსკერს იკვლევდნენ, როდესაც უცნაურ არსებას მიაკვლიეს.

ეს არსება ცოტათი წააგავს რვაფეხას. მას აქვს რვა ათ სანტიმეტრიანი საცეცი, რომელთაგან თითოეული კაუჭებით არის დაფარული.

ის შესაძლოა რელიქტური სახეობა იყოს, რომელიც მილიონობით წლის განმავლობაში არსებობდა. მისი უახლოესი ცოცხალი ნათესავი ზღვის ვარსკვლავია. გენეტიკურმა გამოკვლევებმა აჩვენა, რომ მათი უკანასკნელი საერთო წინაპარი დაახლოებით 180 მილიონი წლის წინ ცხოვრობდა.