შს მინისტრი, ვახტანგ გომელაური აცხადებს, რომ ოპერატიული ინფორმაცია აქვთ, რომ ბადრი ესებუა საქართველოში იმყოფება.

როგორც მან ჟურნალისტებთა საუბრისას აღნიშნა, ზუსტი ადგილსამყოფელი არ იციან, თორემ რომ სცოდნოდათ, "ლოგიკური თემაა, რომ დააკავებდნენ".

"ვმუშაობთ, რა თქმა უნდა. მნიშვნელოვანი თემაა მით უმეტეს შინაგან საქმეთა სამინისტროსთვის, ღირსების თემაა. ვმუშაობთ, იყო რაღაც თემები, თუმცა ვერ ვიტყვი, რომ დღეს და ხვალ ეს მოხდება. ეს სახუმარო თემა ნამდვილად არ არის, ამდენი ადამიანი აყვანილი ჰყავდა მძევლად. ვისაც უნდა ყველა ძაან ამ ადამიანის დაკავება და პასუხისგებაში მიცემა, ეს არის შინაგან საქმეთა სამინისტრო.

რატომღაც შეიძლება, ხალხს ჰგონია, რომ არ გვინდა, ხელს ვუწყობთ ან ვმალავთ, არ ვიცი. ჩვენი ოპერატიული ინფორმაციით, იმყოფება საქართველოში, მას არ დაუტოვებია ქვეყანა. იმედია, სწორი ინფორმაციაა და ვეყრდნობით ამ წყაროს, რომ აქ არის", - თქვა გომელაურმა.