"მოქალაქეების" ლიდერი, ალეკო ელისაშვილი, "სტრატეგია აღმაშენბლის" ლიდერის, გიორგი ვაშაძის განცხადებას ეხმაურბა პენსიონერებთან დაკავშირებით, პირდაპირ ეთერში მიმართავს და აცხადებს , რომ "კიდევ ერთხელ ვეუბნები გიორგი ვაშაძეს, თავისი გადაჭარბებული და ზღვარგადასული ამბიციები ცოტა მოთოკოს და დაქაჩოს, თუ უნდა საქმე მართლა გააკეთოს".

ელისავილი თვლის, რომ გიორგი ვაშაძე "ატყუებს პენსიონერებს, ვითომ რამეს აკეთებს და შოუებს დგამს“

"დღესაც შევთავაზე ვაშაძეს, შემოდი შე დალოცვილო და დაჯექი ჩვენს გვერდზე, არავინ არ იკბინება იქ, როცა რაღაც საერთო მიზნებთან მივდივართ, ვსხდებით და ვსაუბრობთ. ჩვენ კი ვერ მოგვატყუებს „ლიბერთი ბანკი“ , თავს იტყუებს ვაშაძე და პენსიონერებს ატყუებს.

მე რომ მაბრალებდნენ პოპულიზმს, გიორგი ვაშაძე ატყუებს პენსიონერებს, ვითომ რამეს აკეთებს და შოუებს დგამს. ეს იმისთვის სჭირდება, რომ ეს თემა მიიწეროს. გრძნობს და იცის, რომ ჩვენ ამ საკითხს გავიტანთ, მოსული იყო „ლიბერთი ბანკის“ მფლობელი, რომელსაც ძალიან პრინციპულად ვესაუბრეთ. გვითხრა, რომ მოვიტან ჩემს სიტყვას რას ვაპირებთ და როგორ ვაპირებთ. არ გააკეთებენ, ვიცით როგორ მოვიქცეთ, გააკეთებენ გამოვალთ და მადლობას ვიტყვი, ამით პენსიონერები იხეირებენ.

ის ბანკიც რეზინის არ არის. ჩვენ მაქსიმუმზე ვაწვებით, მაქსიმუმი გვინდა გამოვგლიჯოთ პენსიონერების სასარგებლოდ და სახეიროდ. კიდევ ერთხელ ვეუბნები გიორგი ვაშაძეს, თავისი გადაჭარბებული და ზღვარგადასული ამბიციები ცოტა მოთოკოს და დაქაჩოს, თუ უნდა საქმე მართლა გააკეთოს. იქამდე მივედით, რომ გადაწყვეტილება უნდა მოვისმინოთ, რას აკეთებენ. ამას შემოუერთდეს, თუ არადა მისი არჩევანია, ააწყოს შოუები აწვალოს ის მოხუცები, გუშინ, რომ ჰყავდა პარლამენტში მიყვანილი“,- აღნიშნავს ელისაშვილი გადაცემაში "360 გრადუსი".