კულტურის მინისტრისთვის, რუსთაველის სახელმწიფო თეატრის რუსეთში წასვლა პრობლემას არ წარმოადგენს. წულუკიანი ამბობს, რომ სამინისტროში ცენზურა არ არსებობს და ყველა თეატრი და სამხატვრო ხელმძღვანელი თავისუფლად წყვეტს, რომელ ქვეყანაში გამართულ ფესტივალზე წავიდეს.

"იყვნენ ტელევიზიები ფლაგმანები, როცა მე კულტურის მინისტრად ვინიშნებოდი, თითს მიქნევდნენ, რომ ემანდ არ ჩაერიო შემოქმედი ხალხის საქმიანობაშიო, შესაბამისად, გეტყვით, რომ ემანდ მე არ ვერევი თეატრების საქმიანობაში და ყველა თეატრი თავად წყვეტს, რომელ საერთაშორისო ფესტივალში წავიდეს გასტროლით. ამ შემთხვევაში, როგორც ჩანს, საქმე უნდა გვქონდეს იმ თეატრალურ ფესტივალთან, რომლის გამართვის ადგილი არის რუსეთის ფედერაცია. ამ გადაწყვეტილებაში ყველა თეატრი და ყველა სამხატვრო ხელმძღვანელი არის თავისუფალი" - ამბობს წულუკიანი.