"ქართული ოცნების" დეპუტატი , ანრი ოხანაშვილი , აშშ-ს ელჩის კელი დეგნანის განცხადებას, შეჩერდეს მოსამართლეების დანიშვნა, პასუხობს და აცხადებს, რომ კონსტიტუციის შესაბამისად იმოქმედებენ.

"ჩვენ ყურადღებით ვისმენთ, ვიღებთ კონკრეტულ მოსაზრებებს, გვაქვს კომუნიკაცია მეგობრებთან. მთავარია ჩვენი ქვეყნის კონსტიტუცია და ამის შესაბამისად უნდა ვიმოქმედოთ ყველამ. ყველას მართებს საქართველოში კონსტიტუციის პატივისცემა. ჩვენი ამოსავალი წერტილი იქნება ქვეყნის მთავარი კანონი", - თქვა ოხანაშვილმა.