პარლამენტის თავმჯდომარე, კახა კუჭავა, პროკურატურის გუშინდელ განცხადებას ეხმაურება, რომლის თანახმადაც ბერა-ღარიბაშვილ-ჩუბინიძის სკანდალური აუდიოჩანაწერები გაყალბებული და ფალსიფიცირებულია, და აცხადებს, რომ ექსპერტულმა დასკვნა უნდა დაადგინოს საბოლოოდ, ფალსიფიცირებულია თუ არა

კუჭავას თქმითვე, გამოძიების გადასაწყვეტია გამოიკითხებიან თუ არა ირაკლი ღარიბაშვილი და ბერა ივანიშვილი.

"ექსპერტული დასკვნა უნდა ადგენდეს საბოლოოდ, ფალსიფიცირებულია თუ არა. მე ამას ვერ გეტყვით. ერთადერთი, შეგვიძლია, განცხადებას ვენდოთ და თუ ვინმეს შეეპარება ეჭვი ფალსიფიკაციაში, აუცილებელია, ხელმეორედ ჩატარდეს ექსპერტიზა სხვა ექსპერტების მონაწილეობით. მე არ ვწყვეტ, ვინ უნდა გამოიკითხოს და ვინ არა. გამოძიებამ უნდა გადაწყვიტოს. თუ ჩათვლიან, რომ საჭიროა ვიღაც პირების გამოკითხვა, ნებისმიერი ასეთი ადამიანი, ვინც შეიძლება, იყოს საქმისთვის მნიშვნელოვანი, აუცილებელია, დაიკითხოს" - თქვა კახა კუჭავამ.