ენმ-ს ყოფილი თავმჯდომარე და ახლა უკვე ფრაქცია "შარლ მიშელის რეფორმების" წევრი გრიგოლ ვაშაძე პარლამენტში მივიდა. როგორც მან ჟურნალისტებთან განმარტა, პროცესებში აქტიურად ჩაერთვება, რადგან ამომრჩევლის ნდობას გამართლება უნდა:

"აქტიურად ვიქნები ჩართული. სიმართლე გითხრათ, ჩვენი ბლოკის სია რომ არ ჩაეხსნათ, არც ვაპირებდი შემოსვლას, მაგრამ რახან შემოვედი ამ ნდობას ამომრჩევლის გამართლება უნდა.

სხვისი საქციელის შეფასებას არ დავიწყებ, მაგრამ ორი რაღაცის თქმა შემიძლია, დეკემბერში გაცილებით უკეთესი დოკუმენტის გამოტანა შეიძლებოდა და მეორე, ამნისტიის ისეთი ინტერპრეტირება, რასაც ქართული ოცნება აკეთებს, სრული მავნებლობაა" - განაცხადა ვაშაძემ.

შეგახსენებთ, გასული წლის დეკემბერში გრიგოლ ვაშაძემ ნაციონალური მოძრაობის თავმჯდომარის პოსტი და პარტია დატოვა, 20 აპრილს კი მიშელის დოკუმენტს ხელი მოაწერა და პარლამენტში დამოუკიდებელი დეპუტატის სტატუსი მიიღო.