ჰიპერმარკეტების ქსელმა „გორგიამ“ მისი განვითარება კიდევ უფრო მაშტაბური გახადა და საქართველოს რეგიონულ ცენტრებში მრავალპროფილური სავაჭრო ცენტრების გახსნა გადაწყვიტა. შესაბამისად, დიდი ქალაქების მოსახლეობას საშუალება ექნება, რომ ერთ სივრცეში შეიძინოს როგორც სახლისთვის საჭირო ყველა ნივთი, ასევე ისეთი პირადი მოხმარების საშუალებები,

ზუგდიდში „გორგიას“ მოლის ტიპის სავაჭრო ცენტრი 26 მაისს, საქართველოს დამოუკიდებლობის დღეს, გაიხსნა. 100 000 კვადრატულ მეტრ ტერიტორიას აქვს სრული პოტენციალი, რომ განთავსდეს სხვადასხვა საშოპინგო, გასართობი და კვების ობიექტების სივრცეები. თუმცა ჩამონათვალი შეზღუდული ნამდვილად არ არის და დაინტერესებულ კომპანიებს შეუძლიათ, საკუთარი ფილიალები “გორგიას” დახმარებით საქართველოს რეგიონებში, მათ შორის ზუგდიდშიც შეიტანონ.როგორებიცაა ტანსაცმელი, ფეხსაცმელი, აქსესუარები და ა.შ. ბათუმში, ზუგდიდსა და თელავში სავაჭრო ცენტრი გააერთიანებს სხვადასხვა მსხვილ ბრენდებს, რაც კიდევ უფრო მეტი არჩევანის საშუალებას მისცემს მომხმარებელს.

შემოდგომაზე, სექტემბრის ბოლოს, აქტიურად იგეგმება სხვადასხვა პროფილის სავაჭრო ობიექტების ბათუმისა და თელავის ფილიალებში გახსნა. შესაბამისად, მოსახლეობა შეძლებს „გორგიას“ სავაჭრო ცენტრში უამრავი დასახელების ნივთის შეძენას. შემდეგ კი, სავაჭრო ცენტრები ეტაპობრივად მოიცავს საქართველოს დანარჩენ ცენტრალურ ქალაქებს, რაც რეგიონების განვითარებისკენ გადადგმული უმნიშვნელოვანესი ნაბიჯი იქნება.

,,იმისთვის რომ მომხმარებლისთვის ასორტიმენტი გაგვეზარდა გადავწყვიტეთ სავაჭრო ცენტრის კონცეფციაზე გადასვლა, რაც გულისხმობს სხვა ბრენდებთან ურთიერთთანამშრომლობას. ჩვენთან მოსულ მომხმარებელს დახვდება როგორც ტანსაცმლის, ფეხსაცმლის მაღაზიები, ასევე კვების ობიექტები და გასართობი სივრცეები, რაც დარწმუნებულები ვართ კიდევ უფრო სასიამოვნოს გახდის ჩვენთან ვიზიტს. მაღალი მოთხოვნიდან გამომდინარე იგეგმება საქართველოს ყველა ძირითად რეგიონში სავაჭრო ცენტრის გახსნა, რასაც ეტაპობრივად განვახორციელებთ და გავახარებთ ჩვენს ერთგულ მომხმარებელს“. - განაცხადა დავით აზმაიფარაშვილმა, გორგიას კომერციულმა დირექტორმა.

„გორგიას“ სავაჭრო ტიპის კონცეფციად გადაწყობა საკმაოდ მომგებიანია როგორც მომხმარებლებისთვის, ასევე იმ კომპანიებისთვის, რომლებსაც საქართველოს რეგიონებში ოპერირება სურთ. მათ შეუძლიათ მოლებში დამატებითი ფილიალები გახსნან და მოსახლეობას საკუთარი პროდუქცია შესთავაზონ.

„გორგია“ მუდმივად ცდილობს, რომ საკუთარი წვლილი შეიტანოს ქვეყნის ეკონომიკურ განვითარებაში. კოვიდ პანდემიური ვითარების ფონზე, კომპანია არ უშინდება გამოწვევებს და მომხმარებლებს მუდმივად სასიამოვნო სიახლეებს უმზადებს. სავაჭრო ცენტრების კონცეფცია იდეალური საშუალებაა, რომ საქართველოს რეგიონებში მეტი სამუშაო ადგილი შეიქმნას და ადგილობრივ მოსახლეობას პროდუქციის ფართო ასორტიმენტზე მიუწვდებოდეს ხელი.