ისევ მძიმეა მამაკაცის მდგომარეობა, რომელიც გუშინ წერეთლის გამზირზე მდებარე პოლიციის შენობის მესამე სართულიდან გადმოხტა. მას მრავლბითი დაზიანებები აღენიშნება და მართვით სუნთქვაზე იმყოფება.

„კლინიკაში შემოყვანილია 46 წლის მამაკაცი, მას სხეულის მრავლობითი დაზიანება აღენიშნება, აქვს ტრავმული შოკი, გულ-მკერდის დახურული ტრავმა, ნეკნების მრავლობითი მოტეხილობა, სხივისა და იდაყვის ძვლის მოტეხილობა. პაციენტი იმყოფება მართვით სუნთქვაზე, მისი ზოგადი მდგომარეობა არის უკიდურესად მძიმე“, - განაცხადა გერმანული ჰოსპიტლის ექიმმა ნანა ჩხიკვაძემ.