ექიმები მოსახლეობას მოუწოდებენ, კორონავირუსის "დელტა" ვარიანტის გამო განსაკუთრებული სიფრთხილე გამოიჩინონ.

COVID-19-ის კლასიკური სიმპტომების ჩამონათვალი შემდეგია: ხველა, სიცხე, ყნოსვისა და გემოს შეგრძნების დაკარგვა.

დღეისთვის კორონავირუსის ძირითადი სიმპტომები შეიცვალა. ახლა კორონავირუსით ინფიცირებული პაციენტები ყველაზე ხშირად თავის ტკივილს, სურდოს და ყელის ტკივილს უჩივიან.

მეცნიერები აცხადებენ, რომ კორონავირუსის ძირითადი სიმპტომების ცვლილება "დელტა" შტამის გამოჩენასთან არის დაკავშირებული, რომელიც უკვე 80-ზე მეტ ქვეყანაში ვრცელდება.

როგორც Zoe Covid Symptom study-ის კვლევის ავტორი პროფესორი ტიმ სპექტრი აღნიშნავს, ახალგაზრდებს, რომლებიც "დელტა" შტამით არიან ინფიცირებულები გრიპის მსგავსი სიმპტომები აღენიშნებათ. ამის გამო, შესაძლოა, მათ დაავადებაზე ყურადღება არც გაამახვილონ, თუმცა ისინი სხვების ჯანმრთელობას შეუქმნან საფრთხეს.