ჯანდაცვის მინისტრის ეკატერინე ტიკარაძის განცხადებით, ნინოწმინდის პანსიონის ახალი ხელმძღვანელის პირობებში უწყებას კარგი მოლოდინი აქვს. ტიკარაძე დარწმუნებულია, რომ პანსიონის ახალი ხელმძღვანელობისა და ჯანდაცვის სამინისტროს თანამშრომლობა მნიშვნელოვნად გააუმჯობესებს ყველა იმ საჭირო მოთხოვნას, რომელიც დაიცავს ბავშვების ინტერესებს:

"სახალხო დამცველს გააჩნია თავისი მანდატი, რომელიც აუცილებლად უნდა იყოს აღსრულებული. ჯანდაცვის სამინისტროსა და ზრუნვის სააგენტოს მხრიდან არასდროს ყოფილა ხელშეშლა ამასთან მიმართებაში. ჩვენ ყოველთვის ვთანამშრომლობთ სხვადასხვა მიმართულებით, რაც ჯანდაცვის სამინისტროს კომპეტენციაში შედის და რა თქმა უნდა, ეს მიმართულება განხორციელდება.

ჩვენ გვაქვს ძალიან კარგი მოლოდინები ახალ ხელმძღვანელთან მიმართებაში და დარწმუნებული ვართ, რომ ეს თანამშრომლობა მნიშვნელოვნად გააუმჯობესებს ყველა იმ საჭირო მოთხოვნას, რომელიც დაიცავს ბავშვების ინტერესებს", - განაცხადა ტიკარაძემ.

შეგახსენებთ, 14 ივნისს ნინოწმინდის პანსიონის ხელმძღვანელად ბოდბელი ეპისკოპისო მეუფე იაკობი დაინიშნა და მან მაუფე სპირიდონი ჩაანაცვლა.