გერმანელმა და შვედმა მეცნიერებმა დაადგინეს, რომ დედამიწაზე საშუალო ტემპერატურის ორი გრადუსით მომატებამ, შესაძლოა, კატასტროფული "დომინოს ეფექტი" გამოიწვიოს. კლიმატის ცვლილება მსოფლიოს მოსახლეობის ნახევარზე მეტს შეეხება.

”ჩვენ გთავაზობთ რისკის ანალიზს და არა პროგნოზს, მაგრამ ჩვენი შედეგები მაინც შემაშფოთებელია”, - ამბობენ მეცნიერებმა კვლევაში.

ექსპერტებმა სპეციალური პროგრამების გამოყენებით პლანეტაზე კლიმატის განვითარების სამი მილიონი სცენარი შექმნეს. სცენარების დაახლოებით 30% პროცენტი "დომინოს ეფექტით" დასრულდა - როდესაც დედამიწაზე ყველა ცოცხალი არსება იხოცება და ბუნებრივი პირობები იცვლება.

მათი თქმით, "დომინოს ეფექტისთვის" მხოლოდ ორი გრადუსი ცელსიუსის დათბობაც საკმარისია. მკვლევარები ამტკიცებენ, რომ გლობალური დათბობა ცვლის მრავალი არსების საკვებ ჯაჭვს. შედეგად, ცხოველები იხოცებიან, ხდება გვალვა, ხანძარი, წვიმა და წყალდიდობა.

დათბობაში მნიშვნელოვან როლს ანტარქტიდასა და გრენლანდიაში ყინულის ფენების დნობა თამაშობს. ეს ატლანტიკაში დინებების გაცივებასა ტროპიკულ სარტყელში ნალექების შემცირებას გამოიწვევს. ამაზონიაში ტყეები სავანებად იქცევა. ყველაზე მეტად კლიმატური ცვლილებები სანაპირო ზონების მცხოვრებლებს შეეხება.