თბილისის საქალაქო სასამართლოში "მთავარი არხის" გენერალური დირექტორის ნიკა გვარამიას პროცესი მიმდინარეობს. დღევანდელ სხდომაზე "ფორმულას" გენერალური დირექტორის ზუკა გუმბარიძის დაკითხვა კიდევ ერთხელ იგეგმება. როგორც გუმბარიძემ პროცესის დაწყების წინ ჟურნალისტებს განუცხადა, არ იცის, პროკურატურას რა დამატებითი კითხვები აქვს მასთან:

"დღევანდელი პროცესი არის გაგრძელება საქმის, რომელიც მიმდინარეობს ინტერმედიისა და ნიკა გვარამიას წინააღმდეგ, მე დღეს კიდევ ერთხელ გამოვიკითხები როგორც მოწმე, მე არ ვიცი რა დამატებითი კითხვები უნდა დასვას პროკურატურამ", - განაცხადა გუმბარიძემ.