"ენმ"-ს თავმჯდომარესთან, ნიკა მელიასთან, შეხვედრის შემდეგ სახელმწიფო დეპარტამენტის მდივნის ყოფილი მოადგილე, დენიელ ფრიდი მედიასთან კომენტარს აკეთებს და აცხადებს, რომ "ძალიან კარგია, როცა ვაშინგტონში ჩამოდის ლიდერი, რომელიც საუბრობს არა ექსტრემისტულად, არამედ ისე, როგორც დემოკრატიულ ოპოზიციას ეკადრება"

მისივე თქმით, მელიამ ონსტრუქციული და დემოკრატიული დღის წესრიგი გააცნო.

"აქამდე მას პირადად არ შევხვედრივარ. რა თქმა უნდა, ვიცოდი, რომ ის დაპატიმრებული და დამწყვდეული იყო. შეხვედრის შემდეგ, ჩემზე ძალიან დიდი შთაბეჭდილება მოახდინა იმ ფაქტმა, რომ ნიკა მელიამ ხაზი გაუსვა არა ერთი პარტიის მიერ "ქართული ოცნების" ჩანაცვლებას, არამედ, მას უფრო ფართო პოლიტიკური მიდგომა აქვს. შეხვედრისას მან არც იწუწუნა და არც მმართველ პარტიას დაესხა თავს. მან ძალიან კონსტრუქციული და დემოკრატიული დღის წესრიგი გაგვაცნო. ძალიან კარგია, როცა ვაშინგტონში ჩამოდის ლიდერი, რომელიც საუბრობს არა ექსტრემისტულად, არამედ ისე, როგორც დემოკრატიულ ოპოზიციას ეკადრება. თუმცა დემოკრატიული პრობლემების მქონე ქვეყნიდან. ეს ძალიან კარგია", - ამბობს ფრიდი.