გერმანელი დედა, რომელმა 5 მცირეწლოვანი შვილი მოკლა და შემდეგ თვითმკვლელობა სცადა – დაუჯერებელი ამბის სასამართლო პროცესი დაიწყო.

გამოძიების მტკიცებით – 28 წლის კრისტიანა კ.-მ თავისი ხუთი მცირეწლოვანი შვილი, რომელთა ასაკებიც ერთიდან 8 წლამდე მერყეობდა, ნარკოტიკებით გააბრუა, შემდეგ კი აბაზანაში ზოგი წყალში დაახრჩო, ზოგი კი გაგუდა.

შემდეგ კი დუსელდორფის ცენტრალურ ვაგზალზე გაემართა და მატარებელს ჩაუვარდა, მაგრამ ის გადაარჩინეს და სასამართლოს დღემდეც მიაღწია.

ის თავს დამნაშავედ არ ცნობს და აცხადებს, რომ მისი შვილები გასული წლის სამ სექტემბერს სახლში შეჭრილმა ნიღბიანმა დახოცა. პროკურატურის მტკიცებით, აღნიშნულის არავითარი დამადასტურებელი მტიცებულება არ არსებობს.

მომხდარის მოტივად გამოძიება მიიჩნევს შემდეგ – დედა, რომელმაც სავარაუდოდ შვილები დახოცა, ქმარმა სხვა ქალის გამო მიატოვა, აღნიშნულის გამო კი დაკავებული ემოციურად რთულ მდგომარეობაში ჩავარდა.

გამოძიების მტკიცებით, ქალმა შვილების საუზმეში დიდი დოზით ნარკოტიკული საშუალება გაურია, რათა მათ დასძინებოდათ და მათიმ მოკვლა გაადვილებოდა.

ასევე ცნობილია, რომ თვითმკვლელობის მცდელობამდე, ქალმა დედას უთხრა, რომ მისი შვილები გარდაიცვალნენ. ბებიამ სამართალდამცავები გამოიძახა და ადგილზე მისულებს, ბავშვები პირსახოცებში გახვეულები დახვდნენ და თითოეული მათგანი საკუთარ საწოლზე იწვა.

დედამ მოკლა 18 თვის მელინა, ორი წლის ლეონი, სამი წლის სოფი, ექვსი წლის ტიმო და 8 წლის ლუკა. ქალის უფროსი შვილი, 11 წლის მარსელი მხოლოდ იმიტომ გადარჩა, რომ ის მომხდარისას სკოლაში იმყოფებოდა.

იმ შემთხვევაში თუ ბრალდებული დამნაშავედ იქნება მიჩნეული, მას სამუდამო პატიმრობა განესაზღვრება.