ნიკა მელიას ვიზიტი აშშ-ში და შეხვედრები მაღალი რანგის პოლიტიკოსებთან - “ჩვენი სტრატეგიული პარტნიორები, ამომწურავად ინფორმირებული არიან“

პოლიტიკა - 18:38, 15 Jun, 2021

1932

ნაციონალური მოძრაობის თავმჯდომარემ, პარტიულ დელეგაციასთან ერთად ვაშინგტონში ოფიციალური შეხვედრები დაიწყო. ნიკა მელია ვაშინგტონში "ჯეიმს თაუნის ფონდის" პრეზიდენტს გლენ ჰოვარდს შეხვდა.

დელეგაციის წევრებმა ჰოვარდს საქართველოში შექმნილი ვითარება გააცნეს.

ნიკა მელიას განცხადებით, ვაშინგტონში სრულად არიან ინფორმირებულნი საქართველოში მიმდინარე პროცესებუს შესახებ. ისაუბრეს საქართველოში შემოდგომაზე დაგეგმილ ადგილობრივი თვითმმართველობის არჩევნებზე, რომელიც ფაქტიურად რეფერენდუმს წარმოადგენს. ასევე, შეხვედრაზე საუბარი იყო საქართველოს ევროატლანტიკურ სივრცეში ინტეგრაციაზე და იმ საგარეო გამოწვევებზე, რომელიც ჩვენი ქვეყნის წინაშე დგას.

"მოლოდინს გადააჭარბა დღევანდელმა დღემ. ჩვენი სტრატეგიული პარტნიორები, შეიძლება ითქვას, უკვე არიან ამომწურავად ინფორმირებული ყველა მიმართულებით. თუკი რამეს ვნანობ ესაა, რომ ნაციონალურ მოძრაობას უკანასკნელი 5 წლის განმავლობაში მსგავსი შეხვედრების ჩატარების შესაძლებლობა არ ჰქონდა, რაც ნამდვილად არ იყო მისასალმებელი და მიხარია, რომ ახლა ეს გამოსწორდა. არ შეიძლება მთავარ სტრატეგიულ პარტნიორთან წლიდან წლამდე არ გქონდეს ინტენსიური შეხვედრები," - აღნიშნა ნიკა მელიამ.

შეხვედრები გაგრძელდება კვირის განმავლობაში. ნიკა მელია შეხვედრებს გამართავს აშშ-ის სენატში, კონგრესში, უშიშროებისა საბჭოსა და სახელმწიფო დეპარტამენტში. ნიკა მელია შეერთებულ შტარტებში მაღალი რანგის პოლიტკურ შეხვედრებზე სტრატეგიულ პარტნიორებს გააცნობა პარტიის ხედვებსა და სამომავლო გეგნმებს. საუბარი იქნება მოახლოებულ არჩევნებზე, მართლმსაჯულების რეფორმასა და საქართველოსა და ზოგადად რეგიონში შექმნილ რთულ ვითარებაზე.