“საქართველო დაპყრობილია და მას მხოლოდ ერთი პოლიტიკური პარტია აკონტროლებს“

“საქართველო დაპყრობილია და მას მხოლოდ ერთი პოლიტიკური პარტია აკონტროლებს“ - გლენ ჰოვარდი

პოლიტიკა - 17:51, 15 Jun, 2021

1678

საქართველოს სახელმწიფო დაპყრობილია და მას მხოლოდ ერთი პოლიტიკური პარტია აკონტროლებს - ასე აგფასებს საქართველოში შექმნილ ვითარებას “ჯეიმსთაუნის ფონდის“ პრეზიდენტი. ეს განცხადება გლენ ჰოვარდმა ვაშინგტონში ნიკა მელიასთან შეხვედრის შემდეგ გააკეთა.

„ახლა საქართველოში ძალიან რთული მდგომარეობაა. სახელმწიფონ დაპყრობილია და მას მხოლოდ ერთი პოლიტიკური პარტია აკონტროლებს. საქართველოს მომავალი მრავალპარტიული უნდა იყოს და ეს პარტიები უნდა გაძლიერდნენ, რათა გარეშე მტერს გაიწიონ წინააღმდეგობა,“ - განაცხადა ჰოვარდმა.

მანვე ხაზი გაუსვა, რომ ნაციონალური მოძრაობის ლიდერმა მასზე დიდი შთაბეჭდილება მოახდინა და აღნიშნა, რომ ნიკა მელია და მისი მსგავსი პოლიტიკოსები არიან დღეს საქართველოს მომავალი და ევროატლანტიკური ინტეგრაციის გარანტორები.

"ნიკა მელიამ ჩემზე ძალიან დადებითი შთაბეჭდილება მოახდინა. მან ციხეში ყოფნის დრო საქართველოს მომავალზე ფიქრში გამოიყენა, ნიკა საქართველოს მომავალს წარმოადგენს. ვფიქრობ, ის და მისი მსგავსი პოლიტიკოსები არიან ძლიერი დემოკრატიისა და ევროატლანტიკური ორიენტაციის გარანტორები," - განაცხადა „ჯეიმსთაუნის ფონდის“ პრეზიდენტმა მელიასთან შეხვედრის შემდეგ.

ცნობისათვის, "ჯეიმსთაუნის ფონდი" 1984 წელს საბჭოთა დისიდენტების მხარდასაჭერად შეიქმნა.