CNN: რუსი დაქირავებული მებრძოლები აფრიკაში ადამიანებს აწამებდნენ. აუპატიურებდნენ და კლავდნენ

მსოფლიო - 17:22, 15 Jun, 2021

1888

ცენტრალური აფრიკის რესპუბლიკაში მყოფი რუსი დაქირავებულ მებრძოლები მრავალ სამხედრო დანაშაულში მონაწილეობდნენ, რომელთა შორის მშვიდობიანი მოსახლეობის მკვლელობა, წამება და გაუპატიურებაა.

CNN-ის მიერ გამოქვეყნებული მასალა თვითმხილველის ჩვენებასა და გაერო-ს კონფიდენციალურ დოკუმენტებში არსებულ ინფორმაციას ეყრდნობა.

თვითმხილველთა განცხადებით, 15 თებერვალს ქალაქ ბამბარში რუსმა დაქირავებულმა მებრძოლებმა ადგილობრივ მოსახლეობას ცეცხლი გაუხსნეს. დაღუპულთა ზუსტი რაოდენობა უცნობია.

ეს ინციდენტი ერთ-ერთია მაგალითია იმ მრავალი კრიმინალური ეპიზოდებიდან, რომელსაც CNN და Sentry იძიებენ.

გავრცელებული ინფორმაციით, ცენტრალური აფრიკის რესპუბლიკაში ათასობით ადამიანი მკვლელობებზე, გაუპატიურებებსა და წამებაზე საუბრობდა, რომლებშიც რუსი დაქირავებული მებრძოლები ფიგურირებდნენ. ისინი თავს ესხმოდნენ სამოქალაქო პირებს და წვავდნენ მათ სახლებს.

ჟურნალისტების ხელში გაერო-ს კონფიდენციალური დოკუმენტებიც მოხვდა, რომლებიც ამ ბრალდებებს ადასტურებს.

კერძოდ. გაერო-ს სამშვიდობო ძალების ანგარიში ბამბარის მოვლენებში რუსების მონაწილეობას ადასტურებს.

ასევე, CNN-ის ცნობით, გაეროს დოკუმენტებში მოცემულია, რომ 23 თებერვალს რუსმა დაქირავებულმა მებრძოლებმა ქალაქ ბოსანგოასთან საცხოვრებელი სახლები გადაწვეს. 14 მარტს კი ბამბარიში სოფლის უხუცესი მოკლეს. თვითმხილველთა თქმით, რუსებმა 60 სახლი გადაწვეს და სოფელი გაძარცვეს.

უფლებადამცველები ამბობენ, რომ ბამბარის მიღმა რუსებს ბაზა აქვთ, სადაც დაკავებულებს სასტიკად აწამებენ.