საოკუპაციო რეჟიმის მიერ დაკავებული ზაზა გახელაძის მამა, ამბობს, რომ შვილის დაბადების დღეზე, 23 ივნისს ცხინვალში გადასვლას აპირებს. მისივე თქმით, ისინი აქციის მოწყობასაც აპირებენ.

“გუშინ საელჩოების წარმომადგენლებს შევხვდით, დაგვპირდნენ, რომ ერგნეთის შეხვედრა არისო და დავაყენებთ ამ საკითხსო. ჩვენც ჩამოვედით აქ, იქნებ რამე სასიკეთო მოხდეს და ეს დაპირებები და იმედები იქნებ გამართლდეს”, - განაცხადა მიხეილ გახელაძემ.

შეგახსენებთ, ერგნეთში ინციდენტების პრევენციისა და მათზე რეაგირების მექანიზმის შეხვედრა მიმდინარეობს. როგორც ხელისუფლების წარმომადგენლები აცხადებენ, შეხვედრის ერთ-ერთი მთავარი თემა ზაზა გახელაძის გათავისუფლება იქნება. ერგნეთში ჩასულები არიან გახელაძის მშობლებიც.