ასეთ წერილებს თითქმის ყოველ დღე მეილით ან facebook-ით ვიღებ, წერენ სკოლის დირექტორები და მასწავლებლები:

,,ყველაზე დიდი პრობლემა, რაც დღეს არის განათლების სისტემაში, კომუნიკაციის არარსებობაა. ზუსტად წელიწადნახევარია რაც სამინისტროში თათბირი არ ჩატარებულა, სამინისტროს თუ არ სცალია სკოლებისთვის ( რაც უკვე პრობლემაა:)) რესურსცენტრებში მაინც ხშირად უნდა ტარდებოდეს შეხვედრები, რომ მოისმინონ კითხვები, პრობლემები და ჩვენი ხედვაც მიაწვდინონ სამინისტროს. რითაც დავიწყეთ, იგივე პრობლემაა დღეს, რომ ბავშვები სკოლაში არ დადიან. მეთორმეტე კლასი საერთოდ არ დადის სკოლაში, მაგრამ დირექტორები (იცით თქვენ რომელი კატეგორიაც) არ წერენ არებს და მარტივად იტყუებიან, რომ მათთან დასწრება არის! თუ დადიან, მასწავლებლებს გაკვეთილის ჩატარება არ უნდათ და თავსაც არ იწუხებენ - სახლში რომ დაიბარებენ უკეთესი არ არის... ორი დღის წინ გადავიდა ჩემი სკოლიდან ძალიან კარგი გოგონა და რატომ მიდიხარ-მეთქი რომ ვკითხე, ძალიან მიყვარხართ და გული მწყდება, მაგრამ თქვენ გვამოწმებთო და სულ გვთხოვთო და იქ კიდევ დირექტორი ჩემი ახლობელია და მითხრა - არ იარო და ხელს შეგიწყობ ისე, რომ ექსტერნი არ გახდეო... ეს ექსტერნის გამოცდა ხომ საერთოდ კოშმარია, ისე სათავისოდ იყენებენ:))“, - წერს ერთ-ერთი პედაგოგი.