"ქართული ოცნება" თვითმმართველობის არჩევნებისთვის ემზადება -"ერთიანი ნაციონალური მოძრაობის" ინფორმაციით, სამეგრელო-ზემო სვანეთის პოლიციის უფროსად გიგა ზესაშვილი ინიშნება.

"ნაციონალური მოძრაობის" ერთ-ერთი წევრი, ანი წითლიძე, სოციალურ ქსელში სტატუსს აქვეყნებს და წერს, რომ ზესაშვილი ყველა არჩევნების დროს განსაკუთრებული აგრესიით გამოირჩეოდა, ამასთან ის მონაწილეობას იღებდა 20 ივნისის აქციის დარბევაში.

მისივე ინფორმაციით, ზესაშვილი პრემიერ ირაკლი ღარიბაშვილთან დაახლოებული პირია.

"სამეგრელო ზემო სვანეთის სამხარეო პოლიციის უფროსად ისევ გიგა ზესაშვილი ინიშნება. სამეგრელოში არჩევნებს მას აბარებენ. პარლამენტს ჯერ არ გაუვლია არც კვოტები და არც საოლქოს საზღვრები. (ყოველშემთხვევაში ჩვენთვის უნდა მოეწოდებინათ) მაგრამ რატომღაც ზესაშვილმა და საოლქომ საზღვრები უკვე იციან და კანდიდატებზეც მუშაობენ.

ზესაშვილი არის ჩვეულებრივი ზონდერი და წინა არჩევნებზე გამოცდილი გვაქვს მისგან ყველა ტერორი. მონაწილეობდა ნოემბრის და 20 ივნისის აქციების დარბევაში.

US Embassy Tbilisi, Georgia

European Union in Georgia" , - წერს წითლიძე.