აშშ-ის ელჩი საქართველოში, კელი დეგნანი და ეუთოს გენერალური მდივანი, ჰელგა მარია შმითი საოკუპაციო ხაზთან, სოფელ ციცაგიანთკარში ჩავიდნენ.

ადგილზე იყო ზაზა გახელაძის ოჯახიც, რომლებიც რეჟიმის მიერ უკანონოდ დაკავებული გახელაძის ცოლი და დედა მის გათავისუფლებაში დახმარებას ითხოვენ.

კელი დეგნანმა კიდევ ერთხელ გამოხატა "აშშ-ის ურყევი ერთულება საქართველოს ტერიტორიული მთლიანობისა და სუვერენიტეტის მიმართ".

მისივე თქმით, "ძალიან გულისმომკვლელი და გასაბრაზებელია, თუ რა თამაშს თამაშობს რუსეთი და როგორ იყენებს ადამიანის სიცოცხლეს".

"მოხარული ვარ, რომ მქონდა ზაზას ოჯახთან შეხვედრის შესაძლებლობა. ძალიან გულისმომკვლელი და გასაბრაზებელია, თუ რა თამაშს თამაშობს რუსეთი და როგორ იყენებს ადამიანის სიცოცხლეს. კიდევ ერთხელ მტკიცედ და მკაფიოდ მსურს გამოვხატო აშშ-ის ურყევი ერთგულება საქართველოს ტერიტორიული მთლიანობისა და სუვერენიტეტის მიმართ. რუსეთმა აუცილებლად უნდა გაიყვანოს ჯარი, შეასრულოს 2008 წლის ცეცხლის შეწყვეტის შეთანხმება, რადგან სასწორზე ადამიანების სიცოცხლე დგას". - თქვა აშშ-ის ელჩმა.

შეგახსენებთ, რომ ზაზა გახელაძე 2020 წლის 11 ივლისს დააკავეს. დაკავებისას ის ფეხში დაჭრეს. ოკუპირებულ ცხინვალში დაკავებულ ზაზა გახელაძეს ე.წ. სასამართლომ 12 წლითა და 6 თვით პატიმრობა მიუსაჯა.