ფინანსთა მინისტრს ლაშა ხუციშვილს პარლამენტში მინისტრის საათის ფორმატში უსმენენ. "სტრატეგია აღმაშენებლის" ლიდერი გიორგი ვაშაძე კი სხდომათა დარბაზში შესვლას ბანერითა და კალკულატორით აპირებდა, რისი საშუალებაც მანდატურებმა არ მისცეს.

როგორც ვაშაძემ განაცხადა, მას სურს ფინანსთა მინისტრს დაუანგარიშოს ყველაზე დიდი კპრუფციული სქემა, როგორ მოიპარეს 4 მილიარდი:

"ფინანსთა მინისტრს მინდა დავუანგარიშო საქართველოში ყველაზე დიდი კორუფციული სქემა, რომელიც პირადად მის მიერ არის შექმნილი, კალკულატორი მაქვს, „ჩოთქი“ არ არის, „ჩოთქებით“ კი დადიან, მაგრამ შეიძლება შეეშინდეთ, თავში რომ არ მოხვდეთ," - აღნიშნა ვაშაძემ.