17 მომხრე, 61 წინააღმდეგი - პარლამენტმა ოპოზიციის მიერ მომზადებული 20 ივნისის ამნისტიის კანონპროექტის ალტერნატიული ვერსია ჩააგდო.

კანონპროექტი პარლამენტს შალვა შავგულიძემ წარუდგინა.

მუშაობა ისევ “ქართული ოცნების“ კანონპროექტზე გაგრძელდება, რომელიც ორი მოსმენით განხილული და მიღებულია.

შეგახსენებთ, რომ "ქართული ოცნების" კანონპროექტის თანახმად, სისხლისსამართლებრივი პასუხისმგებლობისა და სასჯელისგან უნდა გათავისუფლდეს ყველა პირი, რომელმაც 2019 წლის 19-21 ივნისის მოვლენებთან დაკავშირებით ჩაიდინა დანაშაული და მის მიმართ ამნისტიის გავრცელებაზე უარს არ აცხადებს.