ლიეტუვის პრეზიდენტი გიტანას ნაუსედა საკანონმდებლო ორგანოში პარლამენტის თავმჯდომარეს კახა კუჭავასა და უმცირესობისა და უმრავლესობის წარმომადგენელ დეპუტატებს შეხვდა.

შეხვედრას ესწრებოდნენ ფრაქცია „ნაციონალური მოძრაობა - ძალა ერთობაშიას" თავმჯდომარე ხატია დეკანოიძე, ფრაქციის „ლელო - პარტნიორობა საქართველოსთვის" თავმჯდომარე ბადრი ჯაფარიძე და ფრაქცია „შარლ მიშელის რეფორმების ჯგუფის" წევრი გიორგი ვაშაძე. ასევე, საპარლამენტო უმრავლესობის წევრები, საგარეო ურთიერთობათა კომიტეტის თავმჯდომარე ნიკოლოზ სამხარაძე და ევროპასთან ინტეგრაციის კომიტეტის თავმჯდომარე მაკა ბოჭორიშვილი.

ნაუსედა საქართველოში ოფიციალური ვიზიტით გუშინ ჩამოფრინდა. დღეს ის საქართველოს პრეზიდენტ სალომე ზურაბიშვილსა და პრემიერ-მინისტრ ირაკლი ღარიბაშვილს შეხვდა.