"ნაციონალური მოძრაობის - გაერთიანებულ ოპოზიციის ძალა ერთობაშია" წევრი გუბაზ სანიკიძე საპარლამენტო უმრავლესობის პასუხს გადაცემა კომენტარში გამოეხმაურა. მისი თქმით, როდესაც გუშინდელ სხდომაზე საუბარი იყო გავრილოვის იმ სავარძელში ჩასმაზე, სადაც გამსახურდია იჯდა, ოცნების ლიდერებმა იფიქრეს, რომ საუბარი იყო ავეჯზე. სანიკიძის თქმით, მმართველი გუნდის წევრებმა სიმბოლიკის მნ იშვნელობა არ იციან:

"ბევრ რაღაცაზე დავხუჭეთ თვალი, მაგრამ ამნისტიაზე და იმაზე რაც მოხდა 20 ივნისს, როდესაც გავრილოვი ჩაგვისკუპეს პარლამენტის თავმჯდომარის სავარძელში. სხვათაშორის, საინტერესო კომენტარი გააკეთა ქართულმა ოცნებამ, რომ ის ზვიადის სავარძელი არ იყოო. სიმბოლიკა რა არის, არ იციან. როდესაც ვსაუბრობთ ჩვენ ზვიად გამსახურდიას სავარძელზე, მათ ჰგონიათ, რომ ავეჯზე ვსაუბრობთ. ასეთი პრიმიტიული აზროვნება აქვთ... სამწუხაროდ, ასეთი ჩამორჩენილი ხალხი, როგორც დღეს, განათლებითაც, წიგნიერებითაც... გაოგნებული ვარ, ყველაზე ნიჭიერი კაცი მაინც არის მამუკა მდინარაძე მათ შორის, ასეთი სიბრიყვე როგორ თქვა, რომ ეს ზვიადის სავარძელი არ იყოო და მერე უმრავლესობამ ტაში დაუკრა. ხალხო სად ბალახობთ საერთოდ?! ავეჯზე კი არა სიმბოლოებზე გელაპარაკებით! მართლა ღვთისმშობელი იფარავას ამ ქვეყანას" - განაცხადა სანიკიძემ.