ოცნების დეპუტატმა პლენარულ სხდომაზე განაცხადა, რომ პარლამენტში ისე მიდის სიტუაცია, ახალი შტატის დამატება გახდება აუცილებელი, რადგან აშკარად სჭირდებათ ფსიქიატრიც და ფსიქოლოგიც. მან ასევე აღნიშნა, რომ "არაადეკვატური აღქმების" გამო საზოგადოება დაიბნევა, ამიტომ "მართლა ხალხისთვის გასაგები რომ გახდეს" იურიდიული ტერმინების ნაცვლად მეტი "განმარტებით" ისაუბრონ:

"იმდენად არაადეკვატური აღქმებია, რომ საზოგადოება მართლა დაიბნევა. დავიწყოთ იქიდან, რომ საზოგადოების სახელით საუბრის უფლება რომ გქონდეს, ამას მოპოვება სჭირდება. თხოვნა მაქვს ასეთი, რადგან ბევრი ადამიანი გვიყურებს პირდაპირ ეთერში, იურიდიული ტერმინების გარეშე, მართლა ხალხისთვის გასაგები რომ გახდეს კონკრეტული მუხლი, როგორ მოქმედებს კონკრეტულ პარტიაზე და სიტუაციაზე, განმარტება მეტი იყოს, რათა ხალხმა მეტი ინფორმაცია მიიღოს...

როგორც ჩანს, ეს უკვე ადმინისტრაციასთან მექნება თხოვნა, სიტუაცია ისე მიდის, რომ შტატის დამატებაზე იქნება ინიციატივა გასაკეთებელი, იმიტომ, რომ აშკარად გვჭირდება ფსიქოლოგიც და ფსიქიატრიც პარლამენტში", - განაცხადა ზავრადაშვილმა.