აშშ-ის პრეზიდენტის, ჯო ბაიდენის ადმინისტრაციის განცხადებით, მომავალი ერთი წლის განმავლობაში, დაბალი და საშუალო შემოსავლის 92 ქვეყანას Pfizer-ის 500 მლნ დოზას გადასცემს. ამის შესახებ განცხადება თეთრმა სახლმა გამოაქვეყნა.

აშშ-ის პრეზიდენტის ადმინისტრაციის მიერ ქვეყნებისათვის ვაქცინების განაწილება მიმდინარე წლის აგვისტოში დაიწყება. 2021 წლის ბოლოსთვის დაგეგმილია 200 მილიონი დოზის განაწილება. ხოლო, 2022 წლის ივნისისთვის კიდევ 300 მილიონი დოზის მიწოდება.