77 მომხრე, 23 - წინააღმდეგი - პარლამენტმა ამნისტიის კანონის ქართული ოცნების პროექტს მეორე მოსმენით მხარი დაუჭირა.

კენჭისყრა ცოტა ხნის წინ დასრულდა.

ცნობისთვის, პარლამენტში ამნისტიის შესახებ კანონპროექტის 2 ვარიანტია დარეგისტრირდა: ხელისუფლების და ოპოზიციის.

"ქართული ოცნების" კანონპროექტის თანახმად, სისხლისსამართლებრივი პასუხისმგებლობისა და სასჯელისგან უნდა გათავისუფლდეს ყველა პირი, რომელმაც 2019 წლის 19-21 ივნისის მოვლენებთან დაკავშირებით ჩაიდინა დანაშაული და მის მიმართ ამნისტიის გავრცელებაზე უარს არ აცხადებს.

რაც შეეხება ამნისტიის კანონპროექტის ოპოზიციის ვერსიას, დოკუმენტში ნათქვამია, რომ ამნისტია არ ვრცელდება იმ პირებზე, რომლებსაც აღნიშნული ქმედება სახელმწიფო პოლიტიკური თანამდებობაზე ყოფნის დროს აქვს ჩადენილი.