ოცნების დეპუტატმა ირაკლი ზარქუამ ვერც დღეს დამალა ცინიზმი და აგრესია ენმ-ს წარმომადგენლების მიმართ, რომლებიც გუშინდელიდან შეუდგნენ საპარლამენტო საქმიანობას. როგორც ზარქუამ დღევანდელ სხდომაზე განაცხადა, თუ ნიკა მელია თავს დამნაშავედ თვლის, უნდა გამოვიდეს და თქვას, თუ არა და შეუძლია, სტრასბურგის სასამართლოში გააგრძელოს საქმის განხილვა:

"მარტივადაა კითხვა, თუ მელია დამნაშავედ თვლის თავს, გამოვიდეს ახლა რომ ველოდებით, თქვას რომ კი ბატონო შემეშალა, ჩავიდინე, პირადად მე ვიქნები მომხრე რომ ამოვიღოთ ის ჩანაწერი, პირადად მე ყველაფერს გავაკეთებ. თუ არ გრძნობს თავს დამნაშავედ, მაშინ ჩაუტოვეთ რომ მოითხოვოს სამართლიანი სასამართლოს უფლება. ახლაც აქვს შესაძლებლობა სტრასბურგში გააგრძელოს, ვინმე უშლის?!

მე მაინტერესებს თუ ბატონი მელია ჩუმად იქნება, ხმას არ ამოიღებს შეეხება თუ არა ამნისტია და თუ წინააღმდეგია, პროტესტს გამოთქვამს და იტყვის არ ვარ დამნაშავეო, მაშინ მივცეთ საშუალება, და აძლევს ეს კანონპროექტი საშუალებას იდაოს და მოითხოვოს სამართლიანი სასამართლო, ანუ რომ შეეხოს, რამე აქტიური პოზიცია სჭირდება?! - განაცხადა ირაკლი ზარქუამ.

მან ასევე ენმ-ს წევრს ლევან ხაბეიშვილს მიმართა და ცინიკური ტონით უთხრა, რომ პარლამენტში ბევრ რამეს ისწავლიდა:

"ლევან, მოგესალმები პარლამენტში, მიხარია, რომ აქ ხარ და დარწმუნებული ვარ, აქ ბევრ რამეს ისწავლი, დებატებს, პოლემიკას" - მიმართა ზარქუამ ხაბეიშვილს..