გაერთიანებული ოპოზიციის სხდომათა დარბაზში შესვლის შემდეგ, "მოქალაქეების" ერთ-ერთმა ლიდერმა, ვიცე-სპიკერმა ლევან იოსელიანმა მიმართა მათ და განაცხადა, რომ არ აპირებს ტრიბუნა პასუხის გასაცემად გამოიყენოს და იმ ბრალდებებს უპასუხოს, რაც გაერთიანებული ოპოზიციის წევრებმა "მოქალაქეების" პარლამენტში შესვლასთან დაკავშირებით განაცხადეს. მისი თქმით, ენმ-ს პარლამენტში შესვლით სამართალმა პური ჭამა:

„პირველ რიგში, მოგილოცავთ პარლამენტში შემობრძანებას. არ ვაპირებ ეს ტრიბუნა გამოვიყენო იმისთვის, რომ პასუხი გავცე ყველა ბრალდებას და ტალახს, რაც თქვენმა პარტიამ მე და ალეკო ელისაშვილს გვესროლეთ. ამის საშუალება აუცილებლად გვექნება და აუცილებლად გაგცემთ პასუხს. სამართალი ნამდვილად ურმით დადის და დღეს ის დღეა, როდესაც სამართალმა პური ჭამა. თქვენ სხედხართ აქ, მე ვდგავარ ტრიბუნაზე და გესაუბრებით, ბევრი რამის თქმა შემიძლია, უბრალოდ მირჩევნია ვილაპარაკო იმ საკითხებზე, რაც ჩვენს მოქალაქეებს ანაღვლებთ“, - აღნიშნა ლევან იოსელიანმა.