დღეს პარლამენტის პლენარულ სხდომაზე ამნისტიის კანონპროექტის განხილვა უნდა მომხდარიყო, თუმცა ქართულმა ოცნებამ ენმ-ს წევრები არყოფნის გამო გადადო.

ამის შესახებ ინიციატივა ფრაქცია "ქართული ოცნების" თავმჯდომარემ მამუკა მდინარაძემ გააჟღერა:

"ამნისტია უნდა გავიაროთ ძალიან მალე, მე ვფიქრობ, რომ მათაც უნდა დაველოდოთ. მანამდე, გვქონდა დანარჩენ ოპოზიციასთან საუბარი გარკვეულ დეტალებზე, იქნებ შევთანხმებულიყავით. ეს შეთანხმება სამწუხაროდ, ვერ შედგა. ჩვენ, ჩვენი მყარი პოზიცია გვაქვს ამაზე.

იმ ხალხის გარეშე, რომლის ერთ-ერთ მთავარ წარმომადგენელს, ფორმალურ თავმჯდომარეს ეხება ამნისტია, მათი მონაწილეების გარეშე არ მგონია, რომ სწორი იყოს. დაველოდოთ, გადავდოთ დღეს ამნისტიის საკითხი", - განაცხადა მდინარაძემ.

პარლამენტში ენმ-ს წევრები ამ წუთებში მიდიან.