"ქართული ოცნების" თავმჯდომარე ირაკლი კობახიძე ენმ-ს საპარლამენტო საქმიანობის დაწყებას ეხმაურება და აცხადებს, რომ მიშელის დოკუმენტზე ხელმოწერის გარეშე მათ პარლამენტში შესვლას არანაირი ფასი არ ექნება. კობახიძე ამტკიცებს, რომ ენმ-ს აუცილებლად მოუწევს შეთანხმების დოკუმენტზე ხელის მოწერა:

"შარლ მიშლის დოკუმენტის ხელმოწერის გარეშე მათ პარლამენტში შემოსვლას არავითარი ფასი არ აქვს, აუცილებლად მოუწევთ მიშელის დოკუმენტზე ხელის მოწერა, წინააღმდეგ შემთხვევაში ჩვენი მხრიდან რეაგირება იქნება მკაცრი. თუ ხელს არ მოუწერენ მიშელის დოკუმენტს, მიშელის დოკუმენტიდან გამომდინარე პრივილეგიებით ისინი ვერ ისარგებლებენ, მათ შორის ვერ ჩაერთვებიან სამუშაო ფორმატებში, რომელიც უკავშირდება ამ დოკუმენტის აღსრულებას. ისინი არ იქნებიან მოწვეული სამუშაო ფორმატებში, ვიდრე ხელს არ მოაწერენ ამ დოკუმენტს, ეს შეიძლება იყოს საარჩევნო რეფორმის, სასამართლო რეფორმის სამუშაო ჯგუფი და ასე შემდეგ“, - აცხადებს კობახიძე.