ენმ-ს წევრი რომან გოცირიძე ივანიშვილის დღევანდელ განცხადებას ეხმაურება და აცხადებს, რომ გახარიას არ ჰქონდა იმის პოლიტიკური რესურსი, 20 ივნისის შემდეგ ენმ-ს ოფისში სისხლი დაეღვარა. გოცირიძის შეფასებით, გახარიამ თავი დააღწია ივანიშვილს, ყოფილი პრემიერი კი პოლიტიკურ ფიგურად შარლ მიშელის შეთანხმებამ აქცია:

"გახარიამ თავი გადაირჩინა და თავი დააღწია ივანიშვილის კლანჭებს, გახარია არის მოვლენების პროდუქტი, არ არის ისე, რომ ის ვიღაცამ გამოძერწა, გახარიას არ ჰქონდა იმის პოლიტიკური რესურსი, 20 ივნისის მერე ,,ენმ"-ს ოფისში სისხლი დაეღვარა. ამიტომაც მან დროზე გაასწრო და ამ გასწრების შემდეგ უცნაური გარემოების წყალობით მიეცა პოლიტიკურად გაცოცხლების შანსი.

გახარია პოლიტიკურ ფიგურად აქცია შარლ მიშელის შეთანხმებაში იმ 43%-მა, თორემ რამდენი პრემიერ-მინისტრი გამოექცა ივანიშვილს, ის ყოველთვის მშვიდად იყო, რადგან ისინი არსად გამქცევები არ იყვნენ" - აცხადებს გოცირიძე.