ექსპრემიერი გიორგი გახარია ბიძინა ივანიშვილის დღევანდელ განცხადებას სოციალურ ქსელში პასუხობს:

"მოვლენები იმაზე საინტერესოდ და სწრაფად ვითარდება, ვიდრე მოსალოდნელი იყო...

სიმართლეს ვერავინ და ვერაფერი შეაჩერებს. საბოლოო ჯამში, ამას ყველა გაიგებს.

ისევ ჭორაობის გარეშე, ვერთიანდებით საქართველოსთვის, არავის წინააღმდეგ!" - წერს გახარია.

შეგახსენებთ, პოლიტიკიდან წასულმა ივანიშვილმა დღეს განცხადება გაავრცელა, სადაც ყოფილი პრემიერი გიორგი გახარია ღალატში დაადანაშაულა და უარყო ჭორი იმის შესახებ, თითქოს გახარიას გუნდი ივანიშვილის სატელიტი პარტიაა.