5 ივლისს რუსთაველზე "ღირსების მარში" გაიმართება

პოლიტიკა - 15:55, 04 Jun, 2021

1110

5 ივლისს "თბილისი პრაიდი" რუსთაველზე ღირსების მარშს გამართავს. ამის შესახებ ორგანიზაციამ დღეს გამართულ პრესკონფერენციაზე ისაუბრა.

"თბილისი პრაიდის" დირექტორის, გიორგი თაბაგარის თქმით, გარდა ღირსების მარშისა, პირველიდან ხუთ ივლისის ჩათვლით მოეწყობა პრაიდის კვირეული, რომლის ფარგლებშიც სხვადასხვა ღონისძიებები გაიმართება.

ღირსების მარშის სლოგანი იქნება "გამოდი სოლიდარობისთვის".

"ჩვენ, ქვიარ ადამიანებს გვჭირდება, ხმამაღლა ვისაუბროთ ჩვენს პრობლემებზე. გვჭირდება, რომ ჩვენი ოჯახის წევრებს, მეგობრებს, კოლეგებს, თანამოქალაქეებს და სახელმწიფოს გავაგონოთ ჩვენი ხმა!ჩვენ გვჯერა, რომ გამოსავალი სოლიდარობაშია! ამიტომ, ქვიარ თემის წევრები, ოჯახის წევრები და მხარდამჭერები ხმამაღლა და ამაყად ვაცხადებთ, რომ ჩვენ გამოვდივართ სოლიდარობისთვის!" - აცხადებს ორგანიზაცია

"თბილისი პრაიდი" სახელმწიფოსგან მოითხოვს:

აწარმოოს ადამიანზე ორიენტირებული პოლიტიკა;
შეასრულოს პოზიტიური ვალდებულება თანასწორი გარემოს შესაქმნელად, ჰომოფობიის, სტიგმისა და დისკრიმინაციის დასაძლევად;
გამოიძიოს სიძულვილით მოტივირებული დანაშაული და დაიცვას სამართლიანობის პრინციპი;
დაიცვას თითოეული მოქალაქის უსაფრთხოება და გამოხატვის თავისუფლება, მიუხედავად სექსუალური ორიენტაციისა და გენდერის იდენტობისა.

პრაიდის კვირეულს უერთდებიან "სირცხვილია" და "ქალთა მოძრაობა"